लहान मुलांच्या पालाकांना सूचना
- भूक लागून स्वत:हून मागितल्याशिवाय खाण्यास काहीही देवू नये. जेवण करण्यासाठी मागे लागू नये.
- सकाळी आंघोळीनंतर संपूर्ण अंग कोरडे करुन, टॉवेल गुंडाळून मगच बाथरुम मधून बाहेर आणावे. पावसात भिजणे टाळावे.
- दूध देऊ नये. दूधातला चहा आले घालून दोन वेळा द्यावा.
- चॉकलेट, बिस्किट, खारी, टोस्ट असे बेकरीचे पदार्थ, ईडली, डोसा, पिझ्झा, बर्गर, असे आंबवलेले व मसालेदार पदार्थ देऊ नयेत.
- सॉस, जाम, वापरु नये. दही देऊ नये.
- फ़ळे पूर्ण बंद करावीत.
- गोड पदार्थ, मिठाई शक्यतोवर देऊ नये.
- खीर ताजी करुन कधीतरी चालेल. त्यामध्ये लवंग, वेलदोडा घालावा.
- पोळी, भाजी, वरण भात असे साधे जेवण द्यावे. (बटाटा, टोमॅटो, रताळे, वांगे शक्यतोवर टाळावे.)
- मेथीचा थेपला, मूळ्याचे, कोबीचे पराठे, असे ताजे पदार्थ तसेच उपमा, पोहे, साळीच्या लाह्यांचा चिवडा असे पदार्थ द्यावेत.
- पाणी उकळून गार केलेले द्यावे.
- भात / पोहे करण्यापूर्वी तांदूळ / पोहे भाजून घ्यावेत.
